Duet


17-malam-dangdutan-560x444
Lukisan “Malam Dangdutan karya Suyadi “Pak Raden” dari dgi.or.id

 

Kurang apakah kasih sayangku?…”

“Kurang ayu.”

Kurang apakah pengorbananku?…”

“Kurang kuru.”

Kurang apakah kepasrahanku?…”

“Pasrah opo, wong mesti nglawan ngunu.”

Mengapa masih kau benci aku?”

“Gak kuwalik ta?”

“Pak.”

Diman cengengesan. Wong lanang sik lagek dandan-dandan sepeda motor iku mesam-mesem krungu diceluk bojone. Wiji sing mangkel bojone nyauri lagune mlerok karo nerusno lek nyapu.

Apa yang kau pinta sudah kulayani…

Namun masih saja…tak puas hatimu…”

Opo? Njaluk rabi maneh gak oleh ngunu. Mbujuk.”

Pak!”

Gak. Ngomong karo ruji iki lho. Wes diterusno kono, apik kok lagune. Suara hatiku…”

Opo?”

Suara hatine penyanyine iku lho.”

Minggu isuk lek lagi ora kerjo, Diman biasa nyandak sepeda motor lawase utowo mancing. Isuk iki wong lanang iku milih ndandani sepeda motore sing wingi mari mogok maneh. Bojone dino Minggu ora yo podho ae, ngurus omah. Mari masak, Wiji resik-resik. Anake mbuh nang ndi, wes dolan kaet isuk mari didulang.

Untuk apalagi kau datang padaku…

Bila hanya untuk sakiti hatiku…”

Tapi seneng kan, cinta kan?”

Ho oh, wes kadung.”

Lek mau Wiji ngamuk mergo lirik lagu sing lagi ditirukno soko radio disauti bojone, saiki Wiji melu nyauri.

Hehehe. Lapo mandeg, apik iku. Duel kene hehe…”

Duel. Duet!”

Iyo, podo ae. Intine wong loro tho.”

Wiji mecucu.

Kapankah kau bahagiakan aku?” Diman nerusno lagu sing mau dinyanyekno bojone bareng radio.

Kapan-kapan.”

Ngerti bojone ganti nyauri, Diman selot semangat.

Kapankah kau senangi hatiku?”

Ben dino iku kurang seneng?”

Lek mau Diman sik lungguh nang sandinge sepeda motor, saiki wong lanang iku ngadeg karo nggowo obeng sing digawe mic.

Kapankah kau sayangi diriku?”

Insyaallah mene pas satuse.”

Wiji sik ae nyauri. Tibake enak ngrusuhi wong nyanyi.

Mengapa masih kau siksa aku?”

Tapi seneng kan, imbuh-imbuh kan?”

Hahaha…”

Diman ngguyu banter ndelok bojone kesenengen nyauri lagune. Wong lanang iku ora mung macak koyok penyanyi, saiki atek goyang barang. Mic e, obenge maksude, diuncal-uncalno koyok penyanyi dangdut lawas sing biasa metu nang tipi. Wiji ndeloki bojone karo mrengut. Wong edan, pikire. Ning asline nang njero ati yo kudu ngguyu. Wes ngerti edan yo sik gelem dirabi.

Kurang apakah kasih sayangku? Kurang opo, Mak?

Kurang ganteng sithik.”

Kurang apakah pengorbananku?…”

“Kurang akeh blanjane.”

Kurang apakah kepasrahanku?…”

Ora trimo mung nyanyi karo goyang, Diman nyedeki bojone. Wong lanang iku ngajak bojone melu njoget. Wiji sing lagek nyapu endo, wegah. Tangane bojone sing nariki ditutuki karo sapu.

Gah, emoh!” bengoke.

Halah, cek koyok nang tipi kae lho,” rayu bojone.

Males.”

Mengapa masih kau benci aku?…”

Pak, emoh kok. Tak sabet sapu lho sampeyan ngko,” Wiji sik ae bengak-bengok.

Diman sing kadung kesetanen terus ae nggudo bojone. Lek mau mung goyang biasa, wong lanang iku saiki atek koprol barang. Bojone sing mlayu ngubengi omah mergo ora gelem dijak njoget diburu. Akhire wong lanang wedok iku playon koyok arek cilik.

Pak, mak e ojo dipateni!”

Tomin sing kaet mlebu omah langsung mbengok keweden ndelok bapake mburu emake. Wiji karo Diman sing ora sadar lek anake wes nang omah sik ae uber-uberan.

Pak e, Mak ojo dipateni huhuhuhu…”

Arek cilik iku nangis banter, ning wong tuwone sing ora krungu mergo rame dewe karo suworo radio sing banter ora nggagas.

Tulung…tulung, Mak e dipateni!”

Mergo Tomin nangis karo mbengok lan posisine nang ngarep lawang, ndilalah ono tonggone sing lewat, omahe Diman malih rame.

Man, sadar, Man, iku bojomu. Masio koyok ngunu yo sik iso digawe!” tonggone Diman melu mbengoki.

Duh, Man, uwes, sareh. Sakno anakmu sik cilik. Mbok lek gak cocok ki pegat ae, ojo dipateni.”

Tonggo liyane melu mbengoki. Kesel mlayu, Wiji sing durung sarapan mandeg karo menggeh-menggeh. Bojone ngguyu cekakakan mergo akhire iso nyekel bojone.

Golekno banyu kambil. Kesurupan be’e.”

Wes mandeg, krungu suworone anake nangis karo suworo ribut nang lawang, Diman karo Wiji kaet ndelok lek omahe wes rame.

Loh lapo, Min?” takone Diman karo marani anake.

Tomin sing wedi selot jerit-jerit.

Man, eling, iki anakmu. Nesu karo bojo anake ojo digowo-gowo.”

Lah. Sopo sing nesu karo bojo? Lha sampeyan iki lapo rame-rame nang omahku? Onok opo?”

Onok opo? Yo koen wong loro karo bojomu iku onok opo? Anake nangis kejret ngene kok.”

Bingung, krungu omongane wong akeh, akhire Diman kaet sadar. Tonggo-tonggone salah paham. Ndelok anake nangis. Ndelok dheweke nguber bojone karo nyekel obeng, ndarani kate nglarani bojone. Opo maneh Wiji atek jerit-jerit sisan.

Ealah, iku mau dolenan?”

Ho oh, wong iki mau lagi nyanyi kok,” Diman njelasno.

Yo mene lek dolenan sing nggenah. Lek gak yo ndok njero kamar ae.”

Diman mesem, kecut. Wiji abang raine, isin. Wong wedok iku wes nggendong anake, ngeneng-eneng.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s