Gombal


motorcycle-923013_960_720

https://pixabay.com/en/motorcycle-motorbike-graffiti-mural-923013/

“Mak.”

“Opo?”

“Tak tontok-tontok kon awakmu suwi gak njaluk duwit ngge tuku kutang.”

Wiji noleh sediluk nang bojone. Mari ngunu wong wedok iku nyawang maneh nang tipi. Diman mbenakno lungguhe. Wong lanang sing biasane milih gletakan iku bengi iki ngancani bojone ndelok sinetron.

“Lha iyo, biasa kan meh seminggu pisan kutangmu anyar.”

“Sik akeh. Lagian modele gak onok sing anyar.”

“Model opo? Kutang lak ngunu-ngunu ae modele.”

“Gak yo. Kan onok sing rendo, onok sing…”

“Bolong?”

Wiji nyawang bojone maneh, gemes. Diman mung mesem.

“Gak kesel ta? Kene tak pijeti.”

Diman nyandak pundake bojone, ning Wiji sing risih ora gelem.

“Gak pingin sate, Mak? Mari ngene lak Cak To liwat.”

“Gak. Sampeyan luwe ta?”

“Gak.”

Wiji ndelok bojone ketok aneh bengi iki. Wong wedok iku akhire mateni tipi, milih turu.

“Mak, umbas cepeda.”

“Lha iku sepedamu kate dingge opo, wong wis nduwe.”

“Cing lodane dua.”

“Yo iku garek dicoplok ae. Ngko njaluk tulung Pak e.”

Tomin nyurung sepedae nyedeki bapake sing lagek ngumbah sepeda motore nang ngarep omah.

“Diumbah sisan ta?”

“Dicoplok lodane, Pak.”

“Wani ta roda loro?”

Tomin manthuk. Diman neleh selang banyu. Wong lanang iku njupuk obeng trus nyopot roda tambahan nang sepedae Tomin.

“Iku, uwis.”

“Cuwun.”

“Kate nang ndi?”

“Cepedaan.”

“Ojo adoh-adoh, lek rame minggir.”

“Ho oh.”

Tomin sing wis mulai iso sepedaan atek roda loro iku ketok gliyutan pas njajal sepedae. Ning jenenge arek cilik, semangat pingin isone gedhe. Arek cilik iku ora wedi malah ngguyu-ngguyu.

“Mak!”

Diman sing durung mari lek ngumbah sepeda motor iku mbengok soko ngarep.

“Opo?”

“Iku lho, onok tukang kredit langgananmu.”

“Lha lapo. Aku lho wis gak nduwe utang, wis lunas kabeh kreditane.”

“Kae tontoken, dirubung wong akeh kae. Ketoke nggowo barang anyar.”

“Gak ah.”

“Ngko nyesel.”

“Lapo? Gak. Sampeyan pingin ta?”

“Gak. Iku onok daster ketoke, dijembrengi karo ibune Doni.”

Dipameri bojone, Wiji sing mau ora pingin malih penasaran. Wong wedok iku akhire metu, moro nang tanggane sing lagi rame ngrubungi tukang kredit.

“Goro-goro sampeyan, Pak,” omonge Wiji karo mecucu.

“Lha lapo? Wong apik ngunu.”

“Iyo apik, tapi kan malih nduwe utang maneh.”

“Yo mene dilunasi ae, gak usah kredit.”

Wiji sing lagek njajal daster anyare iku langsung nyawang bojone. Diman sing gletakan epok-epok ora ngerti. Wiji mubeng-mubeng, ndelok awake dhewe soko koco.

“Iki kaine adem, Pak, enak.”

“Ho oh.”

“Warnane yo apik sisan, resik nang kulit.”

“Iyo, ketok ayu.”

“Mene dilunasi, Pak?”

“Ho oh.”

“Mau iku yo onok kutang anyar, Pak, tapi iki dhisik ae lah.”

“Yo dituku sisan.”

Wiji selot bingung. Bojone ora koyok biasane.

“Gak usah dicopot.”

“Gurung tak umbah.”

“Yo sisan tho, mene mari digawe diumbah.”

Wiji lungguh nang pinggir kasur. Tangane ndemok bathuke bojone. Diman sing mau merem-merem kaget trus melek.

“Gak panas.”

“Lha sopo sing lara.”

“Be’e.”

“Kene, tak omongi, Mak.”

Diman malik awake, miring madep bojone. Wiji ngletak nang sanding.

“Sepedae kae lak wis suwi. Kapanane aku ditawani arek, sepeda lanang.”

Wiji ora nyauri, wong wedok iku ngrungokno bojone.

“Sepeda lanang ki penak, Mak, luwih kuat. Ngko lek kene lungo-lungo Tomin iso lungguh ngarep nduwure tangki kae, mburi ombo dingge awakmu.”

“Bekas?”

“Ho oh, tapi sik apik, Mak. Lek sepeda lanang anyar, model saiki yo larang. Lagian aku yo gak seneng, apik model biyen, awet yoan.”

“Piro?”

Diman mesem.

“Oleh?”

“Yo gak popo lek sampeyan seneng. Wong sing mbayar yo sampeyan tho?”

“Ho oh hehehe.”

Wiji merem. Wong wedok iku wis ngerti opo’o kok bojone rodok aneh wingi-wingi. Tibake pingin ganti sepeda motor.

“Mak…”

“Opo?”

“Nyilih kalungmu ya? Hehehe.”

“Ho oh.”

“Hehehehe. Suk tak balekno kok.”

“Iyo.”

Diman mesem. Wong lanang iku seneng. Wis suwi pinging anti sepeda motor bebeke karo sepeda lanang lawas. Ndilalah kapanane ditawani koncone.

“Ayune rek bengi iki.”

“Gombal.”

“Gak gombal iki, sumpah.”

“Wis gek turu.”

Diman cengengesan. Wong lanang iku seneng bakal nduwe sepeda motor sing wis suwi dipingini.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s