Karaoke


22-Malam-Dangdutan
Lukisan Malam Dangdutan karya Drs.Suyadi

Aku ini wanita biasa

Bisa sakit luka karena cinta

Dingin sepi kerap menyapa

Air mata jatuh lukisan raga

Minggu isuk Wiji wis berok-berok nang ngarep tipi. Karo nyapu wong wedok iku nyanyi, nirukno DVD Player sing lagek nyetel lagu-lagune Krisdayanti. Anake wis ilang, dolanan karo koncone. Bojone sik mlungker turu.

Kadang ku kuat setegar karang

Kadang ku rapuh lemah liar merana

“Gusti! Tak pikir onok wong ngamen lha kok tibake awakmu, Mak.”

Wiji mesem. Bojone sing mau sik turu njebus soko kamar karo nggulung sarunge.

“Yahmene wis bengak-bengok, jam piro iki?”

“Meh jam songo iku lho.”

Diman lungguh. Wong lanang iku nyandak kopine sing wis ora patio panas.

“Tomin ndi?”

“Dolen lah.”

“Tak ganti ya?”

“Ojo, apik iku.”

“Curhat ta?”

Wiji nyebek.

“Lek nyetel ki sing nggenah, yahmene wis mbrebeki tonggo.”
Wiji nyedeki tipi. Volume tipine dilirihno.

“Tukokno mic, Pak?”

“Lak wis onok.”

“Halah, temenan iki.”

“Dingge opo?”

Wiji neleh sapune. Wong wedok iku nyedeki bojone sing lagek ngemplok telo goreng.

“Kate ngamen ta?”

Diman wis nyaut dhisik sak durunge bojone omong. Wiji nyebek.

“Aku kate melu karaoke, dingge Kartinian.”

“Awakmu? Melu lomba nyanyi?”

Wiji manthuk.

“Klambine ngko biasa kok, gak sing seksi koyok penyanyi dangdut kae.”

“Gak perkoro klambine. Suwaramu iku lho. Ngamen ae gak payu kok malah melu lomba.”

Wiji selot mecucu. Wong wedok iku nggeser bokonge.

“Ndi iki piringe?”

“Kate mangan ta?”

“Gak, tak emplok. Yo iyolah.”

Tangi turu lek mergo kagol ora mung ora penak nang awak ning yo nang pikiran. Diman sing tangi mergo krungu suwarane bojone sing lagek karaoke rasane kudu ngamuk ae.

“Apike aku nyanyi opo yo, Pak?”

“Turu ae luwih apik.”

“Halah. Sing kiro-kiro pas karo suwaraku.”

“Awakmu ambekan ae lho fales. Dadi seksi konsumsi ae lak uwis. Sing penting melu ngewangi, melu ngrayakno.”

Wiji nyebek. Bengi wayahe turu Wiji sik kepikiran lagu sing kate dinyanyekno pas lomba. Lomba karaoke sak RT sing dianakno nang peringatan Hari Kartini kurang seminggu, Wiji sik bingung milih lagu.

“Lagune KD ki apik-apik, Pak, enak dirungokno.”

“Iyo lek sing nyanyi de’e, lha lek sing nyanyi awakmu…”

“Sampeyan iki mesti kok, dijaluki pendapat malah ngece.”

“Ngece yok opo. Gak tau ngrungokno suwaramu dhewe ta.”

“Dingge ngramekno, Pak, ngge apik-apikan.”

“Ngramekno iyo, dingge ger-geran paling. Ning lek apik-apikan, jelas awakmu luwih apik lek turu.”

“Embuh.”

Ndelok bojone mangkel, Diman mesem. Wong lanang iku dudu ora pingin bojone melu, ning dheweke mikir bojone iku ancen ora nduwe bakat nyanyi. Suwarane ora apik, cempreng.

“Nyanyio bintang kecil ae lho, karo Tomin.”

“Gah.”

“Hehehe. Yo wis nyanyio opo ae sak senengmu. Penting pede lak yo apik-apik ae.”

Karo ngomong, Diman ngeloni bojone. Wiji sing lagek ora enak atine mulet, wegah didemok.

“Wouh…nesu? Mbok sing sabar, ojo nesuan.”

Wiji sik ae mecucu. Masio asline yo sadar suwarane ora apik, ning Wiji pingin melu. Wong wedok iku pingin melu rame-rame.

“Iyo meluo, nyanyio sak senengmu opo ae. Lambemu iku nyanyi opo ae pantes, wong mecucu ae pantes kok hehehe.”

“Temenan?”

“Ho oh. Disawang ae lambemu iku apik, dadi nyanyi opo ae mesti iso.”

Wiji meneng, ngrungokno bojone.

“Tapi lek gak menang yo gak usah gelo, sante ae tho wong mung ngge ramen-ramen.”

Wiji malik awake.

“Iyo. Gak ngarep kok.”

“Lagian lek menurutku lambemu iku luwih apike dingge liyo timbang nyanyi hehehe.”

“Mesti iki.”

“Mesti opo?”

“Yo sampeyan iku, kate omong opo mau.”

“Wou…mesti nggak genah pikirane. Aku lho kate ngomong lambemu iku apik lek dingge mangan. Opo dingge mecucu ngunu iku. Koyok silite pithik lek kate nelek kae.”

Mangkel digudani, Wiji njiwit lengene bojone. Diman sing kelarang ngaduh-aduh.

“Ojo rame-rame, anakmu ngko tangi.”

“Ayo blajar nyanyi sik, cek mene gak grogi hehehe.”

Wiji njiwiti lengene bojone, nggarai wong lanang iku kroncalan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s