Gendut lagi dolenan karo koncone, Saipul. Awale biasa, montor-montoran macak dadi sopir sing lagi kebut-kebutan nang dalan mbuh mergo wes bosen opo yok opo suwi-suwi arek loro iku kok eyel-eyelan.
Saipul : Koen lho kalah, gak oleh ngunu iku.
Gendut : Gurung, wong pinise lho guduk iku, sik adoh.
Saipul : Gak, kunu iku. Mau lho wes tak garis.
Gendut : Kandani guduk, iku lho sing wingi.
Mak’e Gendut sing lagi senam krungu anake udur-uduran karo Saipul dijarno ae. Wong wedok sing gak mung ayu tapi semok iku sik umek nirukno instruktur senam nang tipi.
Saipul : Ojo nakalan koen, tak omongno ayahku ngko.
Gendut : Omongno, aku lho gak wedi.
Saipul : Ayahku pulisi, duwe pistol!
Gendut : Pakku tukang reparasi, duwe solder!
Saipul : Yo kalah jelase karo ayahku. Bapakmu sik lagek mlaku wes ditembak karo ayahku. Dor!
Gendut : Gak iso, pistole ayahmu lho wes disolder karo pakku dadi kelet nang kathoke, gak iso dijupuk.
Saipul : Bundaku guru, koen ngko lek sekolah cek dijewer karo bundaku.
Gendut : Makku…makku tukang senam, awake kuat. Bundamu ditendang langsung semaput. Deloken kae lek gak percoyo, pakku ae wedi karo makku.
Saipul : *Meneng, nginguk mak’e Gendut soko lawang ngarep sediluk* Yo wes.
Gendut : *Mesem, menang* Makku kok dilawan.
Masio ta kerep gelutan Gendut karo Saipul pancet koncoan sampek gedhe. Pancet, arek loro iku senengane udur-uduran, umuk perkoro opo ae. Lek gak jor-joran perkoro pinter yo perkoro ganteng. Onok ae lah pokoke. Koyok sore iki pas Gendut karo Saipul lagi cangkruk nang pos kampling mari bal-balan nang lapangan. Gendut karo Saipul sing masio wes gedhe, kaet lulus SMA sik seneng nggowo-nggowo wong tuone lek lagi udur-uduran.
Saipul : Ayahku lho wingi mari melu komunitas moge. Suk lek aku mlebu perguruan tinggi negri aku kate ditukokno montor sisan.
Gendut : Preketek. Ditukokno truk cek iso ngamoti boto kae lho.
Saipul : Delok ae. Emange pakmu…
Gendut : Lapo pakku? *kate ngamuk*
Saipul : *Rodok wedi* Pakmu gak gaul, gak duwe komunitas. Masio wes tuwek ki yo perlu kumpul-kumpul ngunu iku, cek gak stroke.
Gendut : Jare sopo, pakku lho wong kretek.
Saipul : Komunitas kretek?
Gendut : *Meneng*
Saipul : Sangar pakmu!
Gendut : Guduk. Wong Kretek, mBantul… *kalem*
hahahaha aku kok terharu moco iki ya? Inspirasine muter2 kuwi tok. Hahaha
LikeLike
hahaha jancuk, iri mesti iki 🙂
LikeLike
Hahahahahahaha Nduuut Genduuuut!!
LikeLike
Mbak Ijah…mbak Ijah *geleng-geleng*
LikeLike
owalahh ndut, gendut…. bolak-balekno anakke makmu karo pakmu. 😆
LikeLike
roaming 🙂
LikeLike
mak’e gendut mank strong #percoyo
LikeLike
jelas!
LikeLike
wong koplak
LikeLike
hahahaha…. wong kretek mbantul je…. kene…kene… tak ke’i bakpia, hehehe….
LikeLike
nyuwun Om 😀
LikeLike