Anak Asu(h)


“Pikiren bener-bener, ndak usah buru-buru.”

“Nggak perlu, Mah. Mamah nggak perlu nanya lagi.”

Mamahe Narti ambegan dowo karo ngelus dodone. Wong wedok iku nyabar-nyabarno awake sing kaet mau wes kudu ngamuk ae.

“Kalo ini buat kamu, Mamah ndak peduli, terserah tapi pikirin lagi. Semua ini buat kebaikan anakmu, juga anak-anakmu yang lain.”

“Dek, tolong dipikirin lagi. Aku ini bukan orang lain lho, kita ini masih sodara biar jauh. Aku dan masmu pasti jaga anakmu, kita pasti bakal rawat dia kayak anak kita sendiri.”

“Maaf Mbak tapi aku nggak jualan anak,” Narti sik nolak.

“Lho aku nggak bilang membeli anakmu. Uang ini kan buat ganti persalinannya nanti. Ato kalo adek nggak mau nrima tunai nanti pas persalinan langsung mbak sama mas yang bayarin. Rumah sakit itu sudah terkenal Dek, bagus. Wong rumah sakit internasional kok, ya kan Tan?”

Sing diceluk Tan langsung manthuk-manthuk. Raine ketok abang ireng, jegeg gak iso nyakino Narti nggo nyerahno anak kepapate diopeni dulure.

“Nggak Mbak. Mending Mbak ke panti asuhan, di sana kan banyak anak nggak punya orang tua,” omonge Narti.

“Kamu ini lek dibilangin mesti ngeyel kok. Di panti asuhan itu kan ndak jelas asal-usulnya. Mbakmu ini sudah baik lho sama kamu. Niatnya itu nolong kamu biar ndak repot ngurus banyak anak. Anakmu pasti kopen, dirawat bener, ndak kayak anak-anakmu sekarang ini,” saute Mamahe Narti.

“Kalo anakmu kan sama juga anakku tho, Dek. Wong kita masih ada darah yang sama. Kamu nggak perlu kuatir, kapan pun kamu pingin ketemu, kangen, kamu bisa liat dia, jenguk.”

“Aku sudah komitmen sama Mas Paijo, Mbak, bakal ngrawat anak kita sendiri. Trimakasih atas bantuannya tapi menurutku ini salah sasaran, kami masih mampu ngurus anak sendiri,” saure Narti.

“Mana bojomu itu? Biar Mamah ngomong sama dia kalo kamu takut.”

“Narti nggak takut sama Mas Paijo, Mah. Ini keputusan kami berdua. Siap nikah ya siap nanggung anak, berapapun, sampai kapanpun.”

“Halah, omong kosong. Sekarang ae kamu ngomong kayak gini, besok-besok? Jangan sombong kamu. Kalo bojomu kenapa-kenapa baru tau rasa kamu,” omonge Mamahe Narti selot emosi.

“Maksud Mamah apa?” omonge Narti gak trimo.

“Paijo iku sik enom. Orang lanang itu ndak kayak wedok. Dulu kamu masih cantik, sekarang anak sekandang, ndak terawat ya bisa aja bosen, nyari yang baru.”

“Mamah semakin keterlaluan. Mas Paijo nggak kayak gitu,” saure Narti meh nangis.

“Sudah Tan, Dek, kok jadi pada tengkar. Masmu kemana, biar nanti Mbak coba ngomong ke dia,” jare wong wedok enom sing gak liyo sepupune adoh Narti.

“Mas ke lagi ke pasar Mbak, Ndemin 2 minta sepeda tapi nggak perlu repot karena…” durung mari lek ngomong Narti, Mamahe wes jenggong maneh.

“Beli sepeda? Punya duit ta? Paling-paling ke Pasar Maling,” saute Mamahe Narti.

Gak ngerti lek nang omah lagi onok tamu, Paijo karo anak-anake, Ndemin 1 karo Ndemin 2, nang pasar nggo golek sepeda. Ndemin 2 sing wes mlebu TK jaluk sepeda. Arek cilik iku alasen cek iso cepet nang sekolahan soale kerep meh telat.

“Kok nang kene, pak?” takone Ndemin 2.

“Jare jaluk sepeda?” Paijo ganti takon.

“Lha iyo, iki lak…”

“Pasar Gembong!” saute Ndemin 1.

“Tenang ae, beres pokoke,” saure Paijo ndelok anake sing nomer loro bingung.

“Pak, lak tuku sing rudo papat tho?” Ndemin 1 takon.

“Ho oh, adekmu lak durung iso numpak sepeda.”

“Emoh aku lek papat, pak. Limo ae, sing akeh,’ saure Ndemin 2.

“Rudo limo ki sepeda opo? Gak onok!” Ndemin 1 nyaut.

“Wes gampang, iso diusahakno. Sik pak’e tak milih-milih, koen ndelok-ndelok ae. Ojo adoh-adoh.”

Gak koyok pasar biasa, Pasar Gembong ki gak permanen. Isine mung bakul-bakul sing nggelar dagangan nang pinggir dalan. Selain iku dodolane yo gak patio aeh maceme. Akeh-akeh onderdil bekas utowo barang-barang bekas. Mari milih-milih sepeda bekas karo onderdil protolan Paijo ngajak anake muleh. Gak langsung nang omah, Paijo ngajak anake nang bengkel gak adoh soko omahe. Bukane gak iso nggarap dewe tapi peralatane Paijo gak lengkap, de’e butuh las karo peralatan bengkel liyane nggo ndandani sepedae Ndemin 2.

Nang omah Narti sik ngadepi mbak sepupu karo mamahe sing sik ngeyel ae jaluk anake sing nang njero weteng cek iso diopeni lek wes lair ngko. Narti wes nolak tapi wong wedok loro iku gak kesel-kesel ngewei alasan. Mamahe Narti yo mekso nunggu mantune, Paijo.

“Sekali nggak, nggak Mah, Mbak.”

“Bahno, mamah mau nunggu bojomu kok.”

Moro-moro,

“Mak! Sepedaku anyar!” bengoke Ndemin 2 karo nyetir sepedae mlebu omah.

“Woo…apik men. Seneng?” takone Narti karo ngusapi luh’e.

“Ho oh. Ki mau pak’e lho sing nggawe. Mau ko pasar gurung iso ditumpaki trus digowo nang bengkel. Sip yo, mak?”

“Ho oh, sip! Salim karo Eyang sik, Bude Reni sisan.”

Ndemin 2 gak gelem mundun soko sepeda. Sepedae dipancal nyedeki eyang karo budene iku. Pas wes cedek tangane nyalami bude karo eyange siji-siji.

“Bagus banget sepedanya, kayak…truk,” omonge budene.

“Sepeda kok gak jelas. Arek cilik ditumpakno sepeda koyok ngunu apa mau disuruh nyari pasir, angkut-angkut bata,” omonge mamahe Narti sewot.

“Ngangkut wedhus yo iso. Adek yo iso dilebokno kene yo mak cek gak kesel nggendong?” omonge Ndemin 2 nang mak’e.

“Ho oh, iso. Pak’e nang ndi? Kandani onok eyang karo bude nang omah.”

“Siap! Sik tak jempute pak’e. Aku mau mbalap, pak’e karo mas sik nang mburi.”

Ndemin 2 mancal sepedae metu. Sepedae Ndemin 2 gak koyok sepedae arek cilik sing biasane mung rudo telu opo papat. Sepedae Ndemin 2 rudone onok limo. Sepeda bekas lek tuku nang pasar mau dipotong separo, dijupuk bodi ngarepe thok. Bagian mburine karo Paijo dipasangi bak kayu truk cilik dadi iso nggo ngangkut arek siji utowo barang-barang. Gurung sempat metu adoh, Paijo sing mbonceng Ndemin 1 wes njebus. Ngerti lek lagi onok tamu, Paijo cepet-cepet njagang sepedae nang emper trus mlebu.

“Sudah lama Mah, Mbak?” takone Paijo.

“Nggak,” saure Mbak ipare.

“Sampek njamur!” saure mamahe Narti.

Paijo mesem. Narti meneng, gak nyawang bojone. Mbak Reni, sepupune adoh Narti, ngomong keperluane teko nang omahe Paijo. Gak bedo koyok Narti, Paijo yo nolak. Lek Narti sempet emosi nang mamahe, Paijo ketok tenang.

“Kamu ini jangan sombong. Mbakmu ini apik niate,” omonge mamahe Narti nang mantune iku.

“Bukannya sombong mah tapi ini kan anak kami berdua, ya kami harus tanggung jawab,” saure Paijo.

“Kalo anakmu sampek ndak bisa sekolah, kelaperan, apa namae tanggung jawab itu?”

“Alhamdulillah sampek sekarang masih mampu mah, nggak sampek kelaparan.”

“Anakmu itu cuma dibantu diasuh sama mbakmu, dijadikan anak asuh. Anak banyak kayak gitu kok masih digandoli ae,” omonge mamahe Narti mangkel.

“Lha kalo kami masih mampu knapa ngrepoti orang lain, mah,” omonge Paijo kalem.

“Mampu? Liat itu anak-anakmu yang lain kayak apa? Koyok anak asu, ndrembel. Diluk-diluk duwe adek!”

“Sudah! Nggak usah diterusin. Kalo anakku anak asu trus mamah apa?” Narti sing mau meneng emosi maneh krungu omongane mamahe.

Ndelok Narti emosi, Paijo nenangno bojone. Mbak Reni yo maleh gak enak. Wong wedok iku akhire ngejak tantene pamit. Ndemin 2 sing nang emper, dolenan sepeda anyare karo mas’e kaget ndelok eyang karo budene metu buru-buru.

“Ganteng ngene kok jare anak asu yo mas? Opo onok anak asu sing ganteng koyok aku?” takone Ndemin 2 nang mas’e.

“Ho oh, sakno asune dipadakno koen,” saure Ndemin 1.

***

3 thoughts on “Anak Asu(h)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s