Asyu Koen, Dek!


nyilih google

Tomin ngucek-ucek motone sing sik kelet. Raine mbladus, kepet. Rambute sing mulai dowo iku awut-awutan. Tangan kiwone gremet-gremet, goleki hp. Onok sms mlebu soko Rini, pacare. Tomin mendelikno matane, angel ancen moco sms lek sik sakau. Bareng wes genah lek moco, Tomin langsung tangi karo mbengok.

“Gusti! Jam piro iki?”

Rini ngejak ketemuan jam 10 nang bonbin. Saiki wes jam 10 luweh rong puluh menit. Adus jelase gak nyandak wektune. Gak adus mesti dikabruk ngko karo pacare. Akhire Tomin njupuk banyu putih soko gelas, sisa saur mau bengi trus diusapno nang matane. Awake diendus-endus, diambu.

“Jancuk!” Tomin misuh-misuh dewe ngambu awake.

Clingukan, bingung kate ngilangi ambune dewe, Tomin nyopot kaose sing kembloh karo kringet trus jupuk kaos sing dicantolno nang mburi lawang kamare. Gak luweh resik, wingi mari digawe tapi lumayan, gak ambu iler. Matane nglirik jam nang tembok kamare, jam setengah 11. Selot bingung Tomin ndang-ndang nyandak botol nang duwur mejo trus disemprotno nang awake. Arek lanang iku langsung mlayu, nyetater sepeda motore trus budal nang bonbin.

Masio ta wes diewangi mbalap, nrobos-nrobos lampu bangjo tetep ae Tomin telat akeh. Jam 11 kurang rong menit de’e lagi teko nang bonbin. Mari mbayar tiket Tomin langsung mlebu, goleki Rini. Pacare iku ketok mecucu. Karo mesam-mesem Tomin nyedeki pacare.

Tomin              : Yang, sori yo hihihi *omonge karo cengengesan*

Rini                 : *Meneng ae, males*

Tomin              : Aku keturon, mau bengi arek-arek rame nontok bal-balan dadi aku gak iso turu. Lagi turu Shubuh mau.

Rini                 : Meski kakean alasan.

Tomin              : Hehehe, sori, ngko tak tukokno balon wes.

Rini                 : Padakno arek tk ae ngrayu gawe balon, gak usum!

Tomin              : hehehe, yo wes sak jalukmu. Oia onok opo, dek, kok ngajak ketemuan nang kene. Kangen jaman biyen ta? Pingin nostalgia? Hehehe.

Rini                 : *Meneng, jupuk ambegan dowo*

Tomin              : Kok maleh serius, dek? Onok opo?

Rini sik meneng. Raine lurus nyawang bedes sing podo jumpalitan nang njero kandang. Gak kroso pikirane langsung mlayang nang moso setaun kepungkur. Nang ngarep kandang bedes iki biyen Tomin nembak de’e dan akhire diterimo padahal sak durunge wes ditolak bola-bali sampek ping enem. Tomin sing ndelok pacare meneng melu bingung. Ndase dikukuri. Gak suwi akhire Rini mulai omong.

Rini                 : Awake dewe putus ae.

Tomin              : Heh! Lapo?

Rini                 : Awake dewe gak cocok. Timbang ngko garai loro kabeh mending saiki bubar ae.

Tomin              : Sik ta lah, dek, iki mau masalahe opo? Mosok goro-goro telat ngunu ae koen jaluk putus? Sumpah, aku iki mau keturon. Mari moco smsmu aku yo langsung mlayu rene…

Rini                 : Sampek gak sempat adus, sampek obat nyamuk nggo parfum? Percoyo!

Tomin              : *Ngendus awake* Hehehe, tak kiro lek minyak wangi iku mau. Salah jupuk.  Aku janji sesuk-sesuk gak telat maneh, iki sing trakhir.

Rini                 : Iyo sing terakhir karo aku. Mari ngene aku gak peduli maneh, koen kate telat, kate gak teko, iku urusanmu.

Tomin              : Kok ngunu, yang?

Rini                 : Wes ta lah, trimo ae. Awake dewe iki ancen gak cocok. Setaun bareng yo ngene-ngene ae, mangan ati thok. Koen pasti yo mangkel kan ben dino tak nesoni ae? Bosen kan?

Tomin              : Gak, aku gak tau bosen karo awakmu. Aku malah seneng lek kon nesu, mecucu. Ngemesno! *cengengesan*

Rini                 : Lek ngunu aku sing bosen. Sepurane lek aku onok salah nang awakmu. Aku gak iso nerusno maneh *nyopot cincine trus dikekno nang Tomin*

Tomin              : Sik ta lah, yang, lapo kok kudu koyok ngene? Aku salah opo?

Rini                 : Gak onok sing salah, anggep ae kene gak jodoh.

Tomin              : Yo gak iso ngunu, aku ki sayang temenan nang awakmu. Ojo koyok ngene.

Rini meneng ae. Motone lurus nang ngarep, gak gelem nyawang Tomin sing ketok melas nang sandinge. Gak pingin suwi-suwi, Rini langsung ngadek, kate ngaleh. Tomin langsung nyekeli tangane pacare iku.

Tomin              : Aku ojo mbok tinggal. Yok opo uripku lek gak onok kon, dek?

Rini                 : Pikiren dewe, koen lho wes gede.

Tomin              : Gak iso. Iso-iso aku mati lek gak onok kon nang sandingku. Sabar disik ta, ya?

Rini                 : Wes entek sabarku nggo awakmu. Wes ta lah, trimo ae, ancen iki guduk dalane awake dewe *ngeculno tangane soko Tomin*

Tomin              : Koen duwe lanangan liyo ta? Wes nemu arek liyo nggo ganti aku?

Rini                 : *Meneng*

Tomin              : Ayo, jujur-jujuran ae sak iki. Lek ancen koen wes nemu arek lanang liyo, gak popo, aku ikhlas.

Rini                 : Iyo, wes onok.

Tomin              : *Menteleng, kaget, atine langsung panas* Sopo?

Rini                 : Gak perlu ngerti sopo, sing jelas aku wes gak iso karo koen maneh.

Tomin              : Omongo, ojo didelikno. Aku kudu ngerti lanangan koyook opo sing wani ngrebut pacarku.

Rini                 : Koen kenal Ndemin?

Tomin              : Ndemin? Satpam iku ta?

Rini                 : Satpam? Pulisi yo!

Tomin              : Halah, rai koyok ngunu iku ta sing mbok bandingno aku. De’e iku mlebu paling yo nyogok. Aku saiki ancen sik kere tapi delok ae, bakale aku mesti sugih. Pulisi koyok ngunu ae mbok belani.

Rini                 : Bahno! Guduk urusanmu aku karo sopo, terserah aku. Saiki awake dewe gak duwe urusan. Urusen uripmu dewe!

Tomin              : Aku iki calon eksekutip, lek mung nggo ngalahno gajine pulisi ae kecil, gak onok apa-apane!

Rini                 : Mosyok? Trus kiro-kiro kapan iku, heh? Ngenteni aku mati? Wong kok ngomong thok isone.

Males debat akhire Rini ngaleh. Tomin sing bengak-bengok nyeluki dijarno ae. Rini wes adoh, gak ketok maneh tapi Tomin sik bengak-bengok, nyeluki pacare iku.

Tomin              : Dek! Sayang! Ojo ninggalno aku! Dek, aku sayang banget nang awakmu! Dek! Dek! Dek Rini, sayangku!

Wong-wong sing lagi liburan nang bonbin podo mandek ndelok Tomin sing koyok wong edan. Bedes-bedes nang njero kandang melu bengak-bengok, rame.

Tomin              : Opo koen? *ngomong nang bedes-bedes* Dasar asyu!

Tomin sik bengak-bengok karo nangis, wong-wong sing mau ndeloki de’e langsung minggir, wedi.

Arek cilik        : Pak, iki bedes opo asyu? *nunjuk nang kandang bedes*

Bapake              : Iku bedes, asyu lak sing jenggong. Nang kono kandange, guduk iki.

Arek cilik        : Kok jare Om iku mau ngomong asyu? *nunjuk nang Tomin*

Bapake              : Wong edan iku, ojok digatekno. Ayo ngaleh ae *gandeng tangane anake, dijak ngaleh*

Tomin sik ndrenginging, gak trimo diputus Rini sing milih pulisi timbang de’e. Lek mau de’e mengiba-iba saiki de’e ganti misuh-misuh.

Tomin              : Asyu koen, dek!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s