Obrolan Gak Penting


dudu sing nulis, koncone koncone penulis (menggergajibatu.blogspot.com)

ANGKOT

Suminah lagi nunggu angkot nang halte pinggir embong karo calon penumpang liyane. Mergo gak oleh nggon lungguh de’e ngadek, cedek embong. Pas lagi nglamun moro-moro onok angkot mandek nang ngarepe. Suminah nglirik sediluk, ndelok tulisan nang angkot terus mbalik umek karo pikirane dewe. Sopir angkot nginguk Suminah, nawakno angkote.

Sopir                : Kebraon, mbak?

Suminah          : Lewat Bratang?

Sopir                : Gak.

Suminah          : *meneng, dolenan hp*

Sopir                : Kebraon! Kebraon! Mbak, Kebraon! *nawani Suminah maneh*

Suminah          : *gedek-gedek*

Sopir                : Kebraon! Kebraon! *nawakno nang penumpang liyane* Mbak, Kebraon?

Suminah          : *mendelik sediluk, meneng ae*

Sopir                : Mbak, Kebraon?

Suminah          : Lewat Bratang gak? *mulai duwur nadane, emosi*

Sopir                : Gak *njawab santai*

Suminah          : Jancuk! Ngunu yo ngeyel ae! *emosi*

PUTUS

Mau bengi Paimo wes janjian karo pacare, Tumini, lek kate mangan bakso bareng. Awan iki Paimo karo Tumini wes asyik nang kantin mburi kampus. Paimo wes mari lek ngentekno baksone. Motone nyawangi Tumini sing sik kepedesen. Baksone sik separo, durung mari lek mangan.

Paimo              : Beib, aku kate ngomong. Oleh gak?

Tumini             : Yo ngomong ae, ngunu dadak takok barang.

Paimo              : *ambegan jeru* Awakmu saiki lak wes lulus Beib. Mari ngene yo kerjo. Uripmu wes enak…

Tumini             : *ndekekno sendoke trus nyawang Paimo* Trus opo’o?

Paimo              : Kon kan ngerti aku durung lulus. Urip yo ngene-ngene ae, selot gak genah malah…

Tumini             : *meneng ae, nerusno mangan bakso*

Paimo              : Aku gak enak karo bapakmu. Aku tak marekno kuliahku disik, konsentrasi garap skripsi…*mandek suwi*

Tumini             : *nyawang Paimo* Maksude?

Paimo              : Yok opo lek awake dewe “break” disik…yo sampek aku siap ngunu lah…*lirih lek omong, rodok ndredek*

Tumini             : *langsung ngadek* Mbelgedes! Omong ae lak njaluk putus! Dasar gombal amoh! *nyawatno mangkoke nang Paimo trus ngaleh*

Paimo              : Awak!

SALAH OMONG

Ndemin, joko rodok bosok sing ben dino urip ngenger nang omahe mas’e, Paimin, lagi nyante nang lincak ngarep omah. Soko lambene kemedul rokok. Nang sandinge kopi pait wes meh entek. Surup, soko mesjid cedek omah wes krungu adzan magrib. Moro-moro mbak ipare, Tukirah, mecungul. Ndemin sing ndelok mbake langsung jenggong, ngejak guyon karepe.

Ndemin           : Yu..yu, kate mati ae dadak pamer.

Tukirah            : Sopo sing pamer? Lagian sopo sing kate mati? *langsung nyocot*

Ndemin           : Lha iku, lapo katek pocong barang?

Tukirah            : Pocong ndasmu! Iki mukena, aku kate sembahyang! Ojok kurang ajar kon!

Ndemin           : Sembahyang mbendino yo gak garai sugih *nerusno jenggong*

Tukirah            : Mbok pikir aku nyembah tuyul, sembahyang trus langsung sugih? Timbang kon, penggawean ben dino mung nyangkruk karo rokokan, koyok wong gak kangge. Ngewang-ngewangi masmu lak iso. Wong lanang kok mung uglak-uglik, gak onok ajine! *nyocot dowo, emosi*

Ndemin           : Salah omong ketoke *ngomong lirih*

DUIT PECAH

Sukadi lagi nyangkruk nang warung pinggir embong. Lagi enak-enak nyruput rokoke moro-moro Joko teko, langsung nyanding de’e.

Joko                 : Cak, duwe duit pecah ga?

Sukadi             : Piro?

Joko                 : Rong puluh.

Sukadi             : Gak onok lek rong puluhan.

Joko                 : Sepuluh ewu onok?

Sukadi             : Onok lek sepuluh tapi mung siji karo sewuan telu iki *ngetokno dompete*

Joko                 : Gak popo, iku ae.

Sukadi             : Nggo opo katene?

Joko                 : Mbayar rokok karo kopi.

Sukadi             : Duitmu piroan? Ngko lak disusuki sih karo bakule.

Joko                 : *mesem* Gak onok.

Sukadi             : Maksude?

Joko                 : *mesem maneh* Nyilih.

Sukadi             : Omong ae kate utang, dadak takok duit pecah barang. Asu!

Joko                 : Lah aku kan gak ngomong lek kate ijol.

Sukadi             : Ndasmu!

MENDEM

Paimo karo Ndemin lagi nyangkruk nang pinggir kali. Arek loro iku ketok asyik. Gelas karo botol nang ngarepe wes meh kosong. Paimo nyanyi-nyanyi karo nggoyangno awake masio gak onok musik sing diputer.

Ndemin           : Jancuk! *moro-moro misuhi Paimo*

Paimo              : Opo’o? *mlongo karo nyawang Ndemin*

Ndemin           : Gak onok, pingin ae misuhi awakmu.

Paimo              : Trus opo masalahmu?

Ndemin           : Akeh tapi yo gak tak omongno nang awakmu!

Paimo              : Kon katene golek perkoro?

Ndemin           : Gak! Kate golek boto nggo nyawat raimu!

Paimo              : Jancuk kon!

Ndemin           : Kon sing jancuk!

Paimo              : Asu!

Ndemin           : Kon yo asu!

Akhire arek lanang loro iku gelut, jotos-jotosan. Wes, sing waras mending minggir ae.

***

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s