Paimo Paimin Edisi Guru Filsafat


                Wes telung dino iki howo nang Dukuh Penceng rodo aneh. Bengi sing biasane adem saiki maleh panas. Warga podo sambat sumuk lek bengi. Biasa turu sarungan, gawe jaket ditambah gombal-gombal nggo slimut saiki podo akeh sing uculan. Sing wedok mung jaritan. Sing lanang podo mung katokan thok. Arek-arek cilik umek, sebagian malah podo ndrenginging, nangis gak betah sumuk. Emak-emak ngomel, mangkel anake gak turu-turu. Bojone sing gak ngerti opo-opo melu diseneni, dikongkon ngipasi anake.

Sumini                       :  Nangis ae koyok garangan, ndang turu!

Nijo                            : Cumuk, Mak. Kipasi, kipasi sing bantel! *nangis karo sikile kroncalan*

Paijo                     : Yo, iki yo wes dikipasi. Bapak yo kesel, sumuk pisan. Ndang turu, ngko diparani asyu lek gak ndang turu.

Nijo                              : Gak wedi kalo asyu, bolo.

Sumini                 : Malah omong ae. Ndang merem. Emak selak ngantuk, sesuk kudu nang pasar isuk-isuk.

Nijo                              : *Nangis banter* Cumuk! Cumuk!

Paijo                       : Woo, lek sik nangis ae ben diambung Lik Tukirah. Gelem ta?

Nijo                        : Emoh! Gilo!

Paijo                      : Makane ndang turu.

                Wedi lek bakal diambung Lik Tukirah, Nijo sing sik umur limang taun gak genep iku langsung merem. Gak let suwe areke turu. Paijo sik ngipasi anak lanange iku. Sumini sing wes kekeselen akhire yo keturon nang sandinge anake. Ngerti ngene ket mau ae tak omongno kate diambung Lik Tukirah, batine Paijo. Ndelok bojone turu, Paijo sing mau ngantuk maleh ombo matane. Nijo sing turu nang tengah diangkat alon-alon trus diingerno. Kroso onok sing gremet-gremet Sumini langsung tangi.

Sumini                       : Opo ae sih? *karo mulet*

Paijo                           : *Mesam-mesem*

Sumini                       : Males! Sumuk!

Paijo                            : Halah.

Sumini                       : Emoh! Panas-panas ngene kok… *gak ngurus bojone, turu maneh*

Paijo                            : *Sik durung nyerah, tetep usaha*

Sumini                    : Haduh! Males-males, Mas. Turu kono lho, lapo sih ndusel-ndusel! *njejeki Paijo*

Paijo                           : *Selot semangat*

Sumini                      : *Mangkel turu diganggu, selot banter lek njejek*

Paijo                          : Aduh!

Sumini                  : Sukur! Kono lho, turu nang bale. Sumuk-sumuk ngene kok jaluk kelon.

                Gak berhasil ngrayu bojone, Paijo masio wes cenat- cenut ndase akhire ngalah. Krembuk-krembuk wong lanang sing penggaweane dadi bakul pitik nang pasar iku ngaleh. Sarunge dijupuk trus mlaku nang mbale. Gak let suwe de’e mlungker trus turu. Saking mangkele howo panas gak diroso maneh. Awake ditutupi gawe sarung, brukut. Bedo karo nang omahe Paijo, sing kabeh podo umek turu, nang Balai Dukuh yah mene sik rame. Arek-arek lanang sik podo kate mulai blajar. Rianti wes ayu, siap ngewei pelajaran. Paimo Paimin karo konco-koncone yo wes lungguh anteng nang bangku.

Rianti                     : Slamat malam, semuanya!

Arek-arek              : Malam, Bu Guru!

                Lagi siap-siap kate mulai mbukak buku, moro-moro mecungul arek lanang trus langsung ngadek nang sandinge Rianti.

Rianti                    : Sebentar ya, Mas. Maaf sebelumnya, aku lupa mau ngenalin guru baru. Malam ini beliau akan mengajar, khusus untuk malam ini saja. Silahkan.

Guru anyar : Ehmm…ehm, slamat malam semuanya. Assalamualaikum wr.wb!

Arek-arek            : *Mlongo kabeh*

Paimin                  : Iki kate sekolah opo ngaji sih?

Ndemin            : Lha opo onok sing kate rabi nang kene? Kok onok petugas KUA?

Paimo                   : Selot penceng ae arek iki!

Rianti                     : Kok salamnya gak dijawab?

Guru anyar         : Assalamualaikum wr.wb!

Arek-arek            : Waalaikumsalam wr.wb!

Guru anyar        : Baiklah seperti yang Bu Rianti sudah katakan mulai hari ini saya yang akan mengajar anda-anda sekalian.

Paimin               : Huancik! Bosone asyu! *Mangkel tapi gak banter lek omong, gak enak karo Rianti*

Paimo                   : Opo-opoan iki?

Guru anyar         : Mengajar tanpa tahu nama rasanya seperti makan nasi padang tanpa nasi, jadi perkenankanlah saya mengenalkan diri. Nama saya Slamet, panjangnya Slamet Dunyo Akhirat. Saya akan mengajar filsafat.

Ndemin                : Ketupat?

Paimo                   : Psikopat?

Paimin                  : Keparat!

Rianti                : Hushhhh *nempelno driji nang lambene karo geleng-geleng*

Guru anyar         : Baiklah, mari kita mulai. Ada yang tau apa itu filsafat? Pasti gak tau. Aku punya pantun yang cocok, seperti ini. Makan kupat sayur ontong. Gak tau filsafat, kuper dong!

Arek-arek            : *Ngguyu banter*

Paimin                  : Mbelgedes!

Guru anyar         : Ada sebuah kata yang sangat populer, sebuah falsafah yang menurut saya sangat benar. Seperti ini, di dalam tubuh yang sehat terdapat jiwa yang kuat….

Paimin                  : Jare sopo? Lha buktine awakmu seger tapi utekmu penceng!

Arek-arek            : *Ngguyu maneh*

Guru anyar         : *Gak peduli, tetep ngoceh* Yang artinya yaitu sama dengan kebersihan adalah sebagian dari iman yang implementasinya bisa kita lihat sehari-hari ketika kita melihat orang-orang memandikan sapi dan kambing di sungai…

Rianti                     : *Mlongo* (red: Sik pisan iki ndelok wong ayu ngowoh)

Guru anyar         : Hidup hanya satu kali jadi bagi anda-anda yang tidak ingin menyesal, mari singsingkan lengan. Bersama kita bangun dukuh kita tercinta ini. Dengan kekuatan iman dan ketaqwaan serta rasa cinta terhadap sesama saya yakin mimpi itu akan segera terwujud….

Paimin                  : Malah ceramah!

Ndemin                 : Aku gak ngerti.

Paimo                   : Ki lapo kok sik diterusno ae.

Arek-arek      : *Mulai rame. Sebagian keplok-keplok, sebagian ngguyu banter*.

Rianti                     : Saya rasa sudah cukup pelajaran filsafatnya. Lain waktu bisa disambung lagi ya Mas?

Guru anyar         : Gak bisa. Filsafat itu penting. Semua orang harus belajar filsafat biar bisa jadi orang yang berguna.

Rianti                     : Betul, betul banget Mas tapi mereka belum bisa kalau belajar banyak-banyak. Sedikit-sedikit dulu biar lebih mudah memahaminya.

                Slamet alias guru filsafat anyar sik ae gak gelem ngalah. Arek-arek selot rame malah Paimin saking mangkele nyawatno bukune pas kenek kopyahe Slamet. Arek-arek sing delok bukane mesakno malah selot banter lek keplok-keplok. Jelas Rianti sing bingung. Akhire de’e ngrayu-ngrayu Slamet cek gelem ngaleh.

Rianti                     : Sudah dulu ya, besok lagi. Ayo, Mas, duduk dulu *njupuk kopyahe Slamet sing ceblok*

Slamet                  : Gak mau. Orang-orang seperti ini wajib belajar filsafat. Ini gak bisa dibiarkan, Bu!

Rianti                  : Iya, saya tau. Tapi Mas Maman harus sabar. Belajar itu pelan-pelan, gak boleh dipaksakan.

Paimin                  : Muleh kono! Digoleki makmu kae lho! Kencrit kok ga mari-mari!

Paimo                   : Wedhus ae dibelani sampek edan.

Ndemin             : Oalah Man…Man. Waras nggilani, edan macak waras tapi tetep nggilani.

Arek-arek            : *Ngguyu banter*

                Mangkel kabeh podo bengak-bengok gak gelem ngrungokno pelajarane Slamet alias Maman prengat-prengut. Rianti ngajak arek lanang iku minggir. Dilungguhno arek iku nang bangku ngarep dewe. Kopyahe diteleh nang nduwur mejo. Kesumuken, Maman nyepot jas’e. Jas peninggalane bapake pas dadi manten karo emake iku dijupuk soko lemarine emake pas emake turu.

***

10 thoughts on “Paimo Paimin Edisi Guru Filsafat

  1. Wow that was unusual. I just wrote an incredibly long comment but after I clicked submit my comment didn’t appear. Grrrr… well I’m not
    writing all that over again. Anyhow, just wanted to say wonderful blog!

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s