Kanggo Dek Rainem


Kanggo Dek Rainem belahan atiku,

Dek, wes suwe sakjane lekku pingin nulis surat nang awakmu tapi embuh opo’o rasane tanganku dadi kaku. Omongan sing wis nang ujung lambeku, pikiran sing ben bengi mubeng-mubeng nang ndasku akhire mung dadi impen, gak iso metu. Turu yo gak iso pules, miring ngalor ngidul tapi yo podo ae. Kaet iso turu sediluk ae wes impen-impenen sing gak jelas. Iso-iso edan aku lek koyok ngene terus. Iku sebabe dek, tak wanekno nulis surat iki, tak pekso utekku mikir, ngetokno uneg-uneg sing kesuwen nang pikiranku.

Dek Rainem, arek ayu, jare makmu raimu koyok Inem, babu tonggo sebelah omahmu. Iku opo’o kok kon akhire dijenengi Rainem, rai koyok inem (sakjane kon anake babu sebelah omah opo anake makmu sih? xixixi, guyon, ojo nesu). Lek jareku sih Rainem iku soko kata raine onok enem. Ojo ngamuk disik. Ben ndelok awakmu rasa-rasane ben dino raimu ganti. Kadang kon koyok koncone Hari Poter sing ayu iku, kadang kon koyok Riana, arek ireng sing nyanyi karo masku Eminem iko. Dino iki koyok pacare sapidermen, sesuke kon maleh koyok penyanyine nopember ren. Pokoke sip lah.

Dek, ngertio kon lek ben ndelok awakmu atiku rasane gak karuan. Kon mlerok, atiku langsung rontok, logor ga jelas ilang nang ndi, kethoke katut atimu. Lambemu mencep, duh rasane koyok peso, nancep. Kon mesem aku selot kesengsem. Asem! Mung iku sing iso metu ko lambeku ben ndelok kon lewat ngarep omah. Sing koyo ngunu iku kon ngerti gak? Gak mung awakku sing loro kabeh, atiku opo maneh, ajur. Koyok lagune smes iku lho, atiku cenat-cenut. Mending digepuki wong sak kampung timbang kudu ngroso loro sing gak jelas koyok ngene iki.

Dek Rainem, arek ayu, aku ngerti roso iki abot. Abot diroso, abot sisan dilakoni. Kon ngerti dewe aku mung tukang ngarit. Gak duwe bapak. Emak siji yo mung bakul putu. Ben dino penggaweanku yo mung golek ramban nggo wedhusku sing mung siji, gak manak-manak. Dunyoku bedo karo dunyomu. Kon anake wong mampu, sugih. Bapakmu mandor, sawah yo ombo. Masio mung ongkang-ongkang yo gak bakalan kurang, opo maneh keluwen. Tapi siji dek, siji sing tak antepi, sayang, cinta iku gak mandang bondo, gak ndelok keluarga. Lek iso milih aku yo gak pingin dilahirno dadi anake wong susah koyok ngene. Lek iso milih aku yo pingin koyok Mas Trimo sing iso sekolah, kuliah trus dadi guru. Tapi ojo’o sekolah, kuliah, mangan ae aku kudu rayahan karo wedhusku.

Maleh nglantur gak jelas ngene, sing pasti dek Rainem, sayangku nang awakmu iku tulus. Arek ayu akeh, gampang golekane, wong banci ae saiki yo ayu-ayu, angel dibedakno karo sing wedok asli kok, tapi ati, polahmu, aku yakin gak onok sing nandingi. Aku gak iso janji opo-opo secara ngipi ae aku wes gak wani tapi sing pasti cintaku mung siji dek, nggo awakmu dan bakal tak jogo sampek mati. Lek jare este rolas, aku padamu. Iki suratku sing pertama nggo awakmu dek Rainem, tulung dibales. Mungkin kon gilo, mangkel, gak seneng karo surat iki tapi tulung elingo onok arek sing bakal menderita, nelongso ngenteni balesanmu.

Surat iki bakal tak titipno Panjul, adikmu, bukan maksud gak sopan tapi aku durung wani nemoni awakmu langsung. Lek awakmu pingin bales ngko titipno adikmu sisan, ben isuk lak de’e lewat omahku, budal sekolah. Ojo sampek bapak emakmu ngerti opo maneh emakku, sementara iki jarno mung kon ae sing ngerti perasaanku nang awakmu. Tak tunggu balesanmu dan pisan maneh tulung dibales, ojo suwe-suwe.

 

Aku sing selalu padamu,

 

 

Ndemin

3 thoughts on “Kanggo Dek Rainem

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s