AGS (Arek Gemblung Suroboyo)


Mene dino riyoyo, Samsul sing wes nyiapno acara kumpul-kumpul karo koncone ketok bingung. Dlosoran nang ngarep tipi, de’e mulai mikir yok opo carane cek iso gawe iri koncone. Ora ono coro liyo maneh sak liyane jaluk nang emak’e, masio ta de’e kudu siap-siap kenek omelane sing mesti dowo. Ndilalah lagi enak-enake mikir, mak’e teko. Wong wadon setengah tuwo sing wes rondo ono limang taun iku (sopo sing gelem rek?) duwe kios cilik nang pasar. Mari ndekekno gembolane, de’e lungguh nang kursi (jelas, lha mosok lungguh nang irungmu).

 

Samsul           : (cengengesan, senjata nomer siji)

Emak              : (meneng ae, ora nggape)

Samsul           : Tas teko Mak? Kesel?

Emak              : Ora. Wong sakti! (sombong)

Samsul           : (cengengesan maneh, ancen rodo penceng) Mene riyoyo yo Mak?

Emak              : Jare ngunu (sok cool)

Samsul           : Sampeyan mene ora solat mak?

Emak              : Solat opo?

Samsul           : (sok kaget, langsung tangi) Lha yok opo sampeyan iki Mak? Yo solat Id mosok solat mayit

Emak              : Kon kate solat ta?

Samsul           : Yo jelas! (sombong)

Emak              : Iso ta? (nada ngece)

Samsul           : Iso lah. Wong garek melu-melu liyane ae (kukur-kukur rambut, kok ora raine ae?) Mak, (nada manja) mbok yo aku ditukokno sepatu (mulai metu asline)

Emak              : Nggo opo? Wong sekolah ae ora kate tuku sepatu. Kate dadi hansip ta?

Samsul           : Lha mosok hansip thok sing sepatuan! (mangkel) Nggo mene Mak. Mari solat kate dolen karo arek-arek.

Emak              : (meneng ae)

Samsul           : Alah Mak, anak mung siji jaluk sepatu ae ora ditukokno (mulai macak melas)

Emak              : Koyok wong yes ae dolen dadak sepatuan

Samsul           : Lha aku iki AGS lho Mak, sampeyan gak ngerti ta?

Emak              : Opo AGS?

Samsul           : Arek Gaul Suroboyo

Emak              : Rai koyok boyo iyo!

Samsul           : Senengane ngejlokno anake dewe. Yo wes ra njaluk sepatu, tukokno bebe ae

Emak              : Opo kui bebe?

Samsul           : Halah, mesti ra ngerti sampeyan iki. Iku lho hape sing akeh nang tipi-tipi, sing koyok ka’ane artis-artis iku lho

Emak              : Lha piro regane?

Samsul           : (seneng, kethoke berhasil sing iki) Paling mung telung jutaan

Emak              : Ndasmu krewak!

Samsul           : (mangkel) Kabeh kok gak oleh! Sampeyan ancen gak seneng lek aku seneng. Aku iki ketuane arek-arek Mak, lek gak ngewei conto yo isin

Emak              : Conto carane gawe makmu ndang mati ngunu ta?

Samsul           : Ora ngunu Mak. Maksudku…aku lak ketua AGS dadi yo kudu luweh gaul timbang anggotane, mosok kalah rek. Lek rupo kan aku wes lumayan ta..

Emak              : Lumayan apane, wong rupa koyok sumbu kompor ngunu

Samsul           : (selot mangkel) Mbuh, sampeyan ancen gak sayang karo aku!

Emak              : Malah niru-niru sinetron!

Samsul           : Bahno! (membik-membik, kate nangis)

Emak              : Oalah Sul..Sul, kon iku kok onok-onok ae. Gak ngoco ta Makmu iki sopo? Bakul sompel ae kate tok jak gaul, ora nyandak

Samsul           : (mbrebes mili)

Emak              : (kadung nyocot yo diterusno) Mbok yo eling, dapuranmu iku yo luweh pantes ngarit timbang wira-wiri ra jelas. Gaul? Gemblung iyo!

Samsul           : (tambah gidro-gidro)

keimuten, raine Samsul ora ngene. iki bayine Cak Google

Timbang terus ngrungokno emak’e Samsul nyocot karo ndelok Samsul nangis gulung-gulung mending dimareni ae. Cukup semene dulur, lek sik gendeng kapan-kapan tak terusno maneh.

*catetan : poto nyilih Cak Google, dudu raine Samsul (keimuten)

7 thoughts on “AGS (Arek Gemblung Suroboyo)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s